Аввал хабар берганимиздек, 28 апрель куни LG компанияси ўзининг G4 флагман смартфонини расман тақдим этди. «Mobinfo.uz» ёзишича, Буюк Британия интернет-дўконлари ушбу смартфонга буюртма қабул қила бошлади.
Бу ерда оддий қора ва кулранг тусли корпусдаги моделлар 500 фунт стерлингдан сотилмоқда. Британиядаги Amazon дўкони эса худди шу моделни 599,99 фунт стерлингдан таклиф қилмоқда. Орқа корпуси теридан ишланган премиум версия нархи эълон қилинганича йўқ.
Эслатиб ўтамиз, LG G4 икки хил вариантдаги дизайнга эга. Улардан бирининг орқа корпуси оригинал текстурага эга бўлса, иккинчиси бахялаб тикилган бузоқ терисидан ишланган.
Смартфон 5,5 дюйм ва 2560×1440 пикселли экран, 16 мегапикселли асосий ва 8 мегапикселли олд камера, 3 Гб тезкор ва 32 Гб ички хотира (+microSD), 3000 мА/с сиғимли аккумуляторга эга. LG G4 Android 5.1 Lollipop операцион тизимида ишлайди.
Унинг ўлчамлари 148,9×76,1×6,3—9,8 мм, оғирлиги 155 граммга тенг.
Изоҳ (0)