Дунё бўйлаб сотилган смартфонлар бўйича Samsung ўзининг асосий рақобатчиси Apple’дан ўзиб кетди, деб хабар қилади Strategy Analytics таҳлил компанияси.
Жанубий Корея компанияси жорий йилнинг биринчи чорагида 83,2 миллионта, Apple эса 61,2 миллионта қурилма сотган.
18,8 миллионта смартфон сотган Lenovo-Motorola компанияси рейтингнинг учинчи поғонасини эгаллади. Унинг ортидан 17,3 миллион қурилма сотган Хитойнинг Huawei компанияси бормоқда.
Таҳлилчилар берган маълумотга кўра, 2015 йилнинг дастлабки уч ойи ичида жаҳон бўйлаб 345 миллионта смартфон сотилган – бу ўтган йилнинг шу даврига нисбатан 21 фоизга кўпроқ деганидир.
Олдинроқ бошқа бир тадқиқот компанияси Gartner маълумотига кўра, 2014 йилнинг 4-чорагида Apple 74,8 миллионта қурилма сотиб, смартфон сотиш бўйича жаҳон бозорида етакчига айланиб олгани, 73 миллион смартфон сотган Samsung эса иккинчи ўринга тушиб кетгани хабар қилинганди.
Аммо Strategy Analytics маълумотларига кўра, 2014 йилнинг сўнгги уч ойи ичида Apple ва Samsung бир хилда 74,5 миллионтадан қурилма сотиб, дунёнинг энг кўп смартфон ишлаб чиқарувчи компанияси номини бўлиб олган.
Изоҳ (0)