Аввал хабар берганимиздек, 29 апрель куни дизайнерлар Арик Сни ва Жастин Кроу инсон қўли кўринишидаги селфи таёқни тақдим этди. TJournal ёзишича, бир неча соатлар ичида ихтиро ҳақида дунёнинг машҳур ОАВлари турли фикрлар билдиришга улгурди.
Жумладан GQ сунъий қўл териси ранги устидан кулган ва уни зомбининг қўлига ўхшатган.
Mashable эса селфи-қўл унинг эгасини селфи таёқдан ҳам кўра аянчлироқ қилиб кўрсатишини таъкидлади.
BuzzFeed ва The Next Web нашрлари агар селфи-қўл сотувга чиқса, оддий қора рангдаги енгли вариант билан чекланиб қолмаслигига умид қилди.
Эслатиб ўтамиз, ёлғиз фойдаланувчилар учун мўлжалланган янги қурилма прототипи шиша толали материалдан тайёрланган.
Ихтирочиларнинг ғоясига кўра, «селфи-қўл» бошқаларда сурат муаллифининг дўстлари бордек тасаввур уйғотади. Қурилма яқин дўст, қариндош ва инсоннинг севган кишиси қўлини ифодалаши мумкин. Муаллифларнинг қайд этишича, ҳеч ким автопортрет олаётганда ёлғиз кўринишни истамайди.
Изоҳ (0)