28 апрель куни LG компанияси ўзининг G4 флагман смартфонини расман тақдим этди, дея хабар бермоқда «3dnews.ru». Унинг жаҳон премьерасига бағишланган тадбирлар бирваракайига иккита шаҳар — Лондон ва Нью-Йоркда бўлиб ўтди.
Тақдимотда янги қурилма икки хил вариантдаги дизайнда намоён бўлди. Улардан бирининг орқа корпуси оригинал текстурага эга бўлса, иккинчиси бахялаб тикилган бузоқ терисидан ишланган.
Смартфон 5,5 дюйм ва 2560×1440 пикселли экран, 16 мегапикселли асосий ва 8 мегапикселли олд камера, 3 Гб тезкор ва 32 Гб ички хотира (+microSD), 3000 мА/с сиғимли аккумуляторга эга. LG G4 Android 5.1 Lollipop операцион тизимида ишлайди.
Унинг ўлчамлари 148,9×76,1×6,3—9,8 мм, оғирлиги 155 граммга тенг.
Изоҳ (0)