Индонезия қамоқхонасида ўлимга маҳкум этилган австралиялик Эндрю Чан ҳукм ижро этилишидан бир кун олдин севган қизига уйланди, дея хабар бермоқда Reuters.
Никоҳ маросимида келин-куёвнинг дўст ва қариндошлари иштирок этди.
Жуфтлик Чан Балидаги қамоқхонада ўтирган вақтида танишган. Қиз руҳоний сифатида йигитни мунтазам равишда кўриб турган.
Эслатиб ўтамиз, Эндрю Чан ва Муран Сукураман 2005 йили бошқа етти нафар австралиялик билан бирга Бали оролида ҳибсга олинган.
Индонезия ҳукумати маълумотларига кўра, ушбу Австралия фуқаролари героин гиёҳвандлик моддасини олиб ўтиш ва етказиб бериш билан шуғулланишган.
Суд қарорига кўра, Чан ва Сукураман ўлим жазосига, қолган етти нафар Австралия фуқаролари эса умрбод қамоқ жазосига ҳукм қилинган.
Австралия томони эса ўз фуқароларига нисбатан ўлим жазосининг ижро этилишига мутлақо қарши чиқмоқда.
Изоҳ (0)