Қозоғистон президентлигига қайта сайланган Нурсултон Назарбоев халқаро кузатувчилар олдида овоз беришда қатнашган сайловчилар сони «супердемократик» мамлакатлар учун юқори бўлгани туфайли узр сўраганини айтди, деб ёзади «Newskaz.ru».

У президентлик сайловларида сайловчиларнинг 95 фоизи қатнашгани, Назарбоевга уларнинг 97,5 фоизи овоз бергани — супердемократик давлатлар учун номақбул кўрсаткичлар деб атади. «Лекин мен нима ҳам қила олардим, агар аралашганимда, бу демократлик бўлмасди. Шунинг учун буни ҳали гапиришади, бироқ барибир, сиз мен билан бўлдингиз», — деди Назарбоев Оқўрдадаги матбуот анжуманида.