Расмий Москва тоталитар коммунистик ва нацистик тузумлар тарғиботи ва рамзларини тақиқлаш тўғрисида Украинада қабул қилинган қонундан афсусда эканлигини маълум қилди, дея хабар бермоқда Echo.msk.ru.
Қайд этиш жоиз, Украина Олий Радаси бу қонун билан коммунистик тузум рамзларини нацистлариники билан тенглаштириб қўйди. Россия парламенти қуйи палатаси вакиллари ушбу ҳужжатни «шаккоклик» деб аташди.
Айни вақтда, Кремль Украина президенти Пётр Порошенконинг сўзларига муносабат билдирди – у Иккинчи жаҳон уруши учун Гитлер ҳам, Сталин ҳам бирдек жавобгар эканлиги ҳақида фикр билдирган эди.
Россия президенти Владимир Путиннинг матбуот котиби Дмитрий Песковнинг сўзларига кўра, «бундай баёнотлар остида кўплаб уруш фахрийлари Ғалаба кунини кўзда ёш билан кутиб олишади».
Изоҳ (0)