«Яндекс» ходимлари қисқаришини эълон қилди

«Яндекс» оптимизация ўтказмоқда, бунинг натижасида эса ходимлар штати 3 фоизга қисқаради, дея хабар бермоқда Meduza компания матбуот хизматига таяниб.

Қисқариш қачон бўлиши номаълум, бироқ компанияни тахминан 170 киши тарк этиши айтилмоқда. Шу билан бирга, янги ходимларни ишга олиш давом этади.

Компаниядагиларнинг таъкидлашича, улар мобил қурилмалардаги қидирувни ўстириш, ўз мобил дастурлари аудиториясини кенгайтириш, янги реклама маҳсулотлари ва технологияларни ривожлантиришга эътибор қаратмоқчи.

Нашрнинг эслатишича, 2014 йил 31 декабрь ҳолатига «Яндекс»да 5 616 киши ишлаган.