Буюк Британиянинг The Guardian нашри «Шаҳарлар тарихи 50 та бино намунасида» мақолалар кетма-кетлиги доирасида «Темур Регистони: дунёдаги энг улуғвор жамоат майдоними?» номли мақолани чоп этди.
Унда Самарқанд шаҳридаги Регистон майдони тарихи, қурилиши ва унинг бутун дунё бўйича иншоотларда сезиладиган таъсири ҳақида тўхталиб ўтилади.
«Бу бинолар — Регистон ва Темурийларнинг Самарқанддаги бошқа мўъжизалари XIV аср охирида бутун империянинг турли бурчакларидан келган ҳунармандлар ва қурувчилар ҳамкорлиги натижаси», — дейилади мақолада. Шунингдек уларнинг таъсири олисларгача тарқалиб, узоқ шаҳарларнинг меъморчилигида ҳам сезилиб туриши таъкидланди. Форсларнинг Сафавийлар ёдгорликлари ҳамда Бобурийлар меъморчилиги ҳам шу ердан руҳланиб яратилганлиги, Регистон излари Исфаҳондаги Имом масжиди, Аградаги Тожмаҳал, ва ҳаттоки, Санкт-Петербургдаги ХХ аср бошларига тааллуқли масжидда ҳам сезилиши қайд этилган.
Изоҳ (0)