Охота денгизидаги «Узоқ Шарқ» траулери (балиқ овлайдиган денгиз кемаси) ҳалокатга учраган жойда қидирув-қутқарув операциясига жалб қилинганлар сони деярли икки марта —1,4 минг кишигача кўпайтирилди, дея хабар бермоқда «РИА Новости» Россия Фавқулодда вазиятлар вазирлиги Узоқ Шарқ минтақавий маркази матбуот хизматига таяниб.
Аввалроқ фавқулодда ҳолат жойида 800 га яқин киши ишлаётгани хабар берилган эди.
«Узоқ Шарқ» катта автоном траулери 2 апрель, пайшанбага ўтар кечаси Охота денгизи акваториясида Магадандан 300 км масофада чўкиб кетди. Кема бортида, дастлабки маълумотларга кўра, 78 нафар россиялик ва 54 нафар хорижлик бўлган. ФВВ маълумотлари бўйича, сувдан 54 марҳумнинг жасади олиб чиқилган.
Изоҳ (0)