Мухолифат томонидан бўлаётган босим Грузия президенти Георгий Маргвелашвилини Европа Иттифоқи ва НАТОга қўшилиш ниятининг ўзгармаслиги ҳақида баёнот беришга мажбур қилди, дея хабар бермоқда «Российская газета».
«Бу бизнинг суверен танловимиз ва у қандайдир учинчи давлат манфаатларига қарши қаратилмаган», — деди сиёсатчи.
Маргвелашвили Грузиянинг НАТОга қўшилишга интилиши мамлакатни барқарорлик ва хавфсизлик билан таъминлаш истаги билан боғлиқлигини таъкидлади.
Ўз навбатида Грузия ташқи ишлар вазирлиги Тбилисининг НАТОга қўшилиши ҳарбий блок ва Грузиянинг жорий музокаралари, шунингдек альянсга аъзо мамлакатлар қарорига боғлиқлигини маълум қилди.
«Грузия НАТО билан ҳамкорликда мамлакатга альянс ҳарбий базаларини жойлаштириш мақсадида эмас», — деди бош вазирнинг Россия билан алоқалар бўйича махсус вакили Зураб Абашидзе. Унинг сўзларига кўра, мамлакатнинг блокка қўшилиши кун тартибига киритилмаган. «Бу ҳақда Брюсселда ҳам, Москвада ҳам, Тбилисида ҳам яхши билишади», — дея таъкидлади у.
Изоҳ (0)