Muxolifat tomonidan bo‘layotgan bosim Gruziya prezidenti Georgiy Margvelashvilini Yevropa Ittifoqi va NATOga qo‘shilish niyatining o‘zgarmasligi haqida bayonot berishga majbur qildi, deya xabar bermoqda “Rossiyskaya gazeta”.
“Bu bizning suveren tanlovimiz va u qandaydir uchinchi davlat manfaatlariga qarshi qaratilmagan”, — dedi siyosatchi.
Margvelashvili Gruziyaning NATOga qo‘shilishga intilishi mamlakatni barqarorlik va xavfsizlik bilan ta’minlash istagi bilan bog‘liqligini ta’kidladi.
O‘z navbatida Gruziya tashqi ishlar vazirligi Tbilisining NATOga qo‘shilishi harbiy blok va Gruziyaning joriy muzokaralari, shuningdek alyansga a’zo mamlakatlar qaroriga bog‘liqligini ma’lum qildi.
“Gruziya NATO bilan hamkorlikda mamlakatga alyans harbiy bazalarini joylashtirish maqsadida emas”, — dedi bosh vazirning Rossiya bilan aloqalar bo‘yicha maxsus vakili Zurab Abashidze. Uning so‘zlariga ko‘ra, mamlakatning blokka qo‘shilishi kun tartibiga kiritilmagan. “Bu haqda Bryusselda ham, Moskvada ham, Tbilisida ham yaxshi bilishadi”, — deya ta’kidladi u.
Izoh (0)