Беларусь президенти Александр Лукашенкога мудофаа вазирлигига ташрифи чоғида Калашников автоматини совға қилишди, дея хабар бермоқда «РИА Новости». Бунга жавобан у ҳарбийларни кераксиз авантюраларга аралаштирмасликка сўз берди.
Махсус ғилофдаги совғани Лукашенкога Беларусь мудофаа вазири Андрей Равков топширди.
«Яхши қурол. Менга мос», — деди Лукашенко совғани қабул қилаётиб.
«Шуни билишингиз керакки, мамлакат учун аҳамиятсиз авантюраларга мен сизни ҳеч қачон аралаштирмайман. Бироқ ўз еримизни ҳимоя қилиш ва елкама-елка туришга тўғри келса, ишончингиз комил бўлсинки, мени биринчи қаторларда кўрасиз», — дея таъкидлади Беларусь етакчиси.
Изоҳ (0)