Гонконгда икки укасига ҳомиладор қизча туғилди, дея хабар бермоқда «Корреспондент.net» Live Science’га таяниб.
Бундай ҳодиса ҳар ярим миллионта ҳомиладан биттасида содир бўлиши мумкин. Бунинг сабаби бўйича эса олимлар турли фикрларни билдиради. Масалан, Жаҳон соғлиқни сақлаш ташкилоти янги туғилган чақалоқ ичидаги ҳомилани тератома (шиш тури) деб ҳисоблайди, бироқ Гонконг шифокорлари унинг организмида ҳомиладорлик давомида ютиб юборилган ўз эгизак укаларининг ҳомилалари топилганини таъкидламоқда.
Охир-оқибат уч ҳафталик чақалоқ қизни операция қилиб, жигари ва буйраги орасидан иккита — 9,3 граммлик ва 14,2 граммлик ҳомилаларни топишди, бу муддатлар ҳомиладорликнинг саккизинчи ва ўнинчи ҳафтасига мосдир. Ҳар иккала ҳомилада қизча қорнидаги йўлдошсифат массага уланган киндикларни аниқлашди.
Хулоса қилинишича, улар аслида уч эгизаклар бўлган, бироқ номаълум сабабга кўра, иккита кичик ҳомилани учинчиси ютиб юборган.
Изоҳ (0)