Хитой шарқидаги Чжэцзян провинцияси суди ўтган йилнинг июлида ичида йўловчилари бор автобусни ёқиб юборган эркакни ўлим жазосига маҳкум этди, дея хабар бермоқда «РИА Новости» «Синьхуа» агентлигига таяниб.
Ҳодиса Ханчжоу шаҳрида рўй берган, 35 ёшли Бао Лайсюй ичида 80 нафар йўловчи ўтирган автобусга ўт қўйган. Натижада 30 киши кучли даражада куйиб қолган, шу жумладан 20 нафарининг аҳволи жиддий бўлган. Ёвуз ниятлининг ўзи ҳам жиддий куйиш жароҳатлари олган, шифокорлар унинг оёқ кафтларини кесиб ташлашига тўғри келган.
У ўз қилмиши сабабини сил касаллигидан яхши даволана олмагани учун жамоатчиликдан қасос олиш ва ҳаёт билан ҳисоб-китоб қилиш истаги билан изоҳлади.
Изоҳ (0)