TransAsia компанияси раҳбарияти Тайваннинг Тайбэй шаҳри ташқарисида ҳалокатга учраган лайнер қурбонлари қариндошларига жами 416 минг евро тўлайди, дея хабар бермоқда Interfax Ғарб ОАВларига таяниб.
Ҳаво кемаси бортида жами 58 киши — 5 нафар экипаж аъзолари ва 53 нафар йўловчи бўлган.
Икки моторли самолёт Тайбэйдан Тайвань бўғозидаги Цзиньмен архипелагига ички рейсни амалга ошираётган бўлган. «Суньшан» аэропортидан учиб кетиш вақтида лайнер бошқарувни йўқотган. Чап қаноти билан ёнбошқа оғиб қолган самолёт осма кўприкни туртиб ўтган ва дарёга қулаган.
Авиаҳалокатда 15 киши тирик қолган. 42 йўловчи ҳалок бўлган, бир киши бедарак йўқолган деб эълон қилинган.
Изоҳ (0)