Тошкентнинг «Локомотив» клуби сафида россиялик ҳужумчи Руслан Корян кўрикдан ўтмоқда. У «Луч-Энергия» сафида Россия Биринчи дивизионида ўтган мавсумда 17 та ўйинда 6 та гол уришга муваффақ бўлганди, деб хабар бермоқда «Stadion.uz».
«Мен ‘Локомотивънинг БААда ташкил этилган йиғинида иштирок этиб, 3 та назорат ўйинида 2 та гол урдим, — деди 25 ёшли ҳужумчи. — Тўғри, кўпроқ қумда шуғулландик, формамизни тикладик.
Нима учун ‘Локомотив’? Пул туфайли эмас. Қозоғистон чемпионатидан пул томонлама яхшироқ бўлган таклифлар бор эди. Россия Биринчи дивизионидан ҳам таклифлар бор эди. Лекин улар шунчаки мени кўрикка таклиф қилди ёки ўз олдига жиддий мақсад қўймаган клублардан таклиф бўлди.
‘Локомотивъни эса 25 февраль куни Осиё чемпионлар лигаси доирасида Саудия Арабистонига қарши баҳс кутиб турибди. Бу эса жиддий синов. Ўз сафига чорлаган клубга бориш лозим, ўзим хоҳлаган жойга эмас. Шунингдек, ‘Локомотив’ жуда кучли тренер Вадим Абрамов ишламоқда. У ўз вақтида Ўзбекистон терма жамоасини бошқарган. Бизнинг қарашларимиз бир жойдан чиқди. Туркияда бўладиган кейинги йиғин вақтда барчаси тўла ҳал қилиб оламиз», — деди Руслан Корян.
Изоҳ (0)