Украинада «Энергия» (Янги Каховка) ва «Олимпик» (Донецк) клублари ўртасида бўлиб ўтган учрашув пайтида «Энергия» футболчиси майдонда телефон орқали гап сотди. Бу ҳақда «Newsru.com» хабар бермоқда.
15-рақам остидаги ўйинчи бир неча бора телефонини олиб, кимгадир қўнғироқ қилиб гаплашди. Учрашув ҳаками қоидабузарни жазосиз қолдирган ҳолда ҳеч қандай чора кўрмади.
Янги каховкалик мураббий Юрий Окул: «Мен ҳатто бу 15-рақам кимлигини ҳам билмайман, — деди. — У бизга кўрикдан ўтиш учун келган. У телефонда гаплашиб, қандайдир кўрсатмалар берган экан, демак, у – тажрибали футболчи. Бизнинг жамоамизга ҳар куни кўрик учун 7—8 нафар ўйинчилар келади, биз уларнинг ҳаммаси билан ҳатто танишишга ҳам улгурмаймиз».
Ўйиннинг ўзига келсак, «Олимпик» ўйинчилари 2:1 ҳисобдаги ғалабасини нишонлади. Ушбу муваффақият кетма-кет келаётган ғалабаларнинг тўртинчиси бўлди.
Изоҳ (0)