Жанубий Корея ҳамда Ўзбекистон миллий терма жамоалари ўртасидаги учрашувдан сўнг ўтказиладиган матбуот анжумани бошланди. Дастлаб саволлар Ўзбекистон терма жамоаси бош мураббийи Миржалол Қосимовга берилди, деб ёзади Uff.uz.
Жанубий Корея термасига қарши жудаям шижоатли ва қизиқарли бўлди. Буни финалга қиёсласа ҳам бўлади. Бу футбол. Унда ғалаба ва мағлбият ёнма-ён юради. Биз мағлубиятга муносиб эмасдик. Бугун омад биздан юз ўгирди. Корея терма жамоасига кейинги ўйинларда омад тилаймиз. Шу ерга келган мухлисларимизга катта миннатдорчилик билдирмоқчиман.— Миржалол ҚосимовАҳадхон Абдуҳамитов саволи:Бошланғич таркибдаги ўзгаришларини қандай изоҳлайсиз? Масалан, Тўраев ва Турсуновларни тушиши... Иккинчи саволим: ОФК ташкилотчилари бизга нисбатан ноҳақлик қилишмадимикан? Ҳакамлар?Иккинчи саволингиздан бошлайман. Дарҳақиқат, бизга нисбатан ҳакамлар адолатсизлик қилишди. Лекин, бизда шу вазиятда ҳам имкониятлар бор эди. Улардан фойдалана олмадик. Тўраев ва Турсуновларнинг чиқишлари тактика билан боғлиқ эди.
Австралиялик журналист:Ўзбекистон тарихида сизга, Максим Шацких ва Сервер Жепаровларга ўхшаган кучли футболчилар етишиб чиққан. Сардор Рашидов борасида нима дея оласиз? У ҳам мана шу футболчилар даражасига оладими?Ўзбекистонда иқтидорли футболчилар кўп. Рашидов муҳими юракдан ўйнашни, ўз устида ишлашда давом этиши керак. Фақат меҳнат қилибгина футболда натижага эришиш мумкин. Сардор Рашидовда иқтидор бор. Энди мана шу иқтидорни ўстириш керак.
Кореялик журналист:Олдинда қандай режаларингиз бор?Ҳаёт давом этади. Хатолар устида ишлаб, керакли хулосалар чиқарамиз. Насиб қилса, олдимизда турган Жаҳон чемпионатида иштирок этиш учун ишлаймиз. Мен барча журналистларга ва ташкилотчиларга миннатдорчилик билдирмоқчиман. Энди бор эътибор жаҳон чемпионати саралашига қаратилади.
Шу билан Миржалол Қосимов иштирокидаги матубот-анжумани ниҳоясига етди.
Изоҳ (0)