Rossiyalik hujumchi Toshkentning “Lokomotiv” klubi safida OChLda ishtirok etishni maqsad qildi
Toshkentning “Lokomotiv” klubi safida rossiyalik hujumchi Ruslan Koryan ko‘rikdan o‘tmoqda. U “Luch-Energiya” safida Rossiya Birinchi divizionida o‘tgan mavsumda 17 ta o‘yinda 6 ta gol urishga muvaffaq bo‘lgandi, deb xabar bermoqda “Stadion.uz”.
“Men ‘Lokomotiv’ning BAAda tashkil etilgan yig‘inida ishtirok etib, 3 ta nazorat o‘yinida 2 ta gol urdim, — dedi 25 yoshli hujumchi. — To‘g‘ri, ko‘proq qumda shug‘ullandik, formamizni tikladik.
Nima uchun ‘Lokomotiv’? Pul tufayli emas. Qozog‘iston chempionatidan pul tomonlama yaxshiroq bo‘lgan takliflar bor edi. Rossiya Birinchi divizionidan ham takliflar bor edi. Lekin ular shunchaki meni ko‘rikka taklif qildi yoki o‘z oldiga jiddiy maqsad qo‘ymagan klublardan taklif bo‘ldi.
‘Lokomotiv’ni esa 25-fevral kuni Osiyo chempionlar ligasi doirasida Saudiya Arabistoniga qarshi bahs kutib turibdi. Bu esa jiddiy sinov. O‘z safiga chorlagan klubga borish lozim, o‘zim xohlagan joyga emas. Shuningdek, ‘Lokomotiv’ juda kuchli trener Vadim Abramov ishlamoqda. U o‘z vaqtida O‘zbekiston terma jamoasini boshqargan. Bizning qarashlarimiz bir joydan chiqdi. Turkiyada bo‘ladigan keyingi yig‘in vaqtda barchasi to‘la hal qilib olamiz”, — dedi Ruslan Koryan.
