«Дарё»нинг iPhone ва Android учун дастури янги версияси тақдим этилди
«Дарё» нашрининг iPhone ва Android смартфонлари учун мўлжалланган дастурлари янги версияси тақдим этилди. Дастурларнинг янги версиясини Apple App Store ва Google Play Store'дан юклаб олиш мумкин.
Янгиланган дастурларда хабарлар билан бўлишиш янада қулайлаштирилди. Энди қизиқарли хабарни ижтимоий тармоқларда бўлишиш учун хабар боши ёки сўнгидаги тугмалардан фойдаланиш мумкин.
Бундан ташқари, дастурда топилган бир қанча хато ва камчиликлар бартараф этилди.
Эслатиб ўтамиз, «Дарё»нинг мобил дастурлари сўнгги марта 2014 йил декабрь ойида янгиланган эди. «Дарё» дастурлари Ўзбекистонда биринчилардан бўлиб янги iPhone 6 ва iPhone 6 Plus смартфонлари учун оптималлаштирилди.
Фото: «Дарё»
Google ва Apple статистикасига кўра, «Дарё» дастурларидан қарийб 35 000 киши фойдаланади. Apple App Store дўконида «Дарё» дастури Тошкент шаҳрида Popular Near Me («атрофимдаги оммабоп дастурлар») рўйхатидан жой олган.
Изоҳ (0)