“Daryo”ning iPhone va Android uchun dasturi yangi versiyasi taqdim etildi
“Daryo” nashrining iPhone va Android smartfonlari uchun mo‘ljallangan dasturlari yangi versiyasi taqdim etildi. Dasturlarning yangi versiyasini Apple App Store va Google Play Store'dan yuklab olish mumkin.
Yangilangan dasturlarda xabarlar bilan bo‘lishish yanada qulaylashtirildi. Endi qiziqarli xabarni ijtimoiy tarmoqlarda bo‘lishish uchun xabar boshi yoki so‘ngidagi tugmalardan foydalanish mumkin.
Bundan tashqari, dasturda topilgan bir qancha xato va kamchiliklar bartaraf etildi.
Eslatib o‘tamiz, “Daryo”ning mobil dasturlari so‘nggi marta 2014-yil dekabr oyida yangilangan edi. “Daryo” dasturlari O‘zbekistonda birinchilardan bo‘lib yangi iPhone 6 va iPhone 6 Plus smartfonlari uchun optimallashtirildi.
Foto: “Daryo”
Google va Apple statistikasiga ko‘ra, “Daryo” dasturlaridan qariyb 35 000 kishi foydalanadi. Apple App Store do‘konida “Daryo” dasturi Toshkent shahrida Popular Near Me (“atrofimdagi ommabop dasturlar”) ro‘yxatidan joy olgan.
Izoh (0)