Дастурчилар ғайритабиий гибрид — бир вақтнинг ўзида тизим блоки ҳисобланадиган компьютер-сичқончани намойиш этди, дея хабар бермоқда «Российская газета».
Daily Mail ёзишича, Mouse Box қурилмасини польшалик Пшемислав Стржельчик ва унинг жамоаси ишлаб чиққан. Қурилма компьютер-сичқонча бўлиб, унда тўрт ядроли 1,4 ГГц кучига эга Cortex ARМ-процессори (Samsung Galaxy Note 10 планшетидагига ўхшаш), Wi-Fi модули ва 128 Гб ички хотира бор.
Mouse Box қурилмаси HDMI кабели орқали мониторга уланади ва бу қурилма индуктив тарзда сичқонча учун махсус гиламчадан қувват олади. Шу тариқа, қурилма қувват йўқотмайди. Сичқонча, шу билан бирга, гироскоп ва акселерометр билан жиҳозланган.
Mouse Box лойиҳаси стартап бўлиб, айни пайтда унинг дастурчилари қурилмани бозорга олиб чиқиш учун инвестор қидирмоқда.
Изоҳ (0)