Япониянинг Ymobile компанияси бозорга юрак шаклига келтириладиган Heart 401AB мобил телефонини чиқаради, дея хабар бермоқда Look At Me.
Телефон 23 мм қалинликка эга бўлиб, унда камера мавжуд эмас, дисплей эса монохром бўлиб, 128×36 пикселлидир. У фақат қўнғироқларни амалга ошириши ва қабул қилиши мумкин, бошқа функциялар кўзда тутилмаган.
Бундан ташқари, телефонда қурилма эгасига смартфондаги адреслар китобини Heart 401AB’га ўтказишга ёрдам берувчи махсус дастур бор.
Телефон қизил ва қора рангли корпусларда чиқарилади, шунингдек унинг Sailor Moon анимесига бағишланган қўшимча версияси ҳам бор.
Изоҳ (0)