Ўзбек Миллий академик драма театрида «Онам айтган аллалар» деб номланган алла ижрочилари фестивали бўлиб ўтди, деб хабар беради Ўзбекистон Миллий ахборот агентлиги.
Ўзбекистон Республикаси Маданият ва спорт ишлари вазирлиги ташаббуси билан ташкил этилган ушбу фестивалда ижодий ва жамоат ташкилотлари, пойтахтдаги миллий маданият марказлари вакиллари, санъаткорлар, оркестр жамоалари, олий ўқув юртлари профессор-ўқитувчилари, талабалар иштирок этди.
Илк бор ўтказилаётган мазкур фестивалдан кўзланган асосий мақсад миллий урф-одат ва анъаналар, бебаҳо маънавий қадриятлар, номоддий маданий мерос дурдоналарини асл ҳолича асраб-авайлаш, ривожлантириш, унинг моҳиятини ёшларга етказишдан иборатдир.
Санъат усталари ва ёш ижрочиларнинг куй-қўшиқлари, саҳналаштирилган томошалар фестивалга янада файз бағишлади.
Изоҳ (0)