Korzinka.uz Янги йилга бағишланган совғалари ҳақида эълон қилди

Korzinka.uz супермаркетлари тармоғи Янги йил арафасида ўз меҳмонлари учун ажойиб совғалар тайёрлаб қўйди.

Янги йил – ҳамма учун энг севимли ва узоқ кутиладиган байрам. Ҳаттоки катталар ҳам ўзларини бироз бўлса-да беғубор боладек ҳис этиб мўъжизали ва сеҳрли эртаклар олами ҳақида орзу қилиши мумкин. Барча Korzinka.uz супермаркетларида аллақачон байрам шукуҳи ҳукм сурмоқда.

Korzinka.uz Integro супермаркетига бормоқчи бўлсангиз, қалинроқ кийининг, чунки сиз «Муз юрак» эртагидаги Эльзанинг салтанатига  ташриф буюрасиз. ТТЗ супермаркетида Шрэк ва Фиона меҳмонларга ажойиб кайфият улашмоқда. Сергелидаги Korzinka.uz супермаркетида Қор Маликасининг ўзи ҳукмронлик қилмоқда. Айниқса, меҳмонлар Юнусободдаги супермаркетда Микки ва Минни Маус ташрифидан жудаям хурсанд бўлмоқда.

Гарри Поттер ҳикояси мухлислари учун С. Азимов кўчасидаги супермаркетда Ҳогвартс қасри эшиклари очилмоқда. Ҳазилни ва бананларни севувчи Минионларни Абай ва Mercato супермаркетларида учратишингиз мумкин. Ракат супермаркетида Ота Смурф, Смурфетта ва Маҳмадона сабрсизлик билан меҳмонларни кутмоқда. Байрам даврида аэропортдаги Korzinka.uz супермаркети «Айиқча Винни» мультфильмидаги сеҳрли ўрмонга айланади. Юсуф Хос Ҳожиб кўчаси (ИИВ)даги Korzinka.uz’да  меҳмонлар Oппoғой ва гномлар ташрифидан хурсанд. Қоратош даҳасидаги супермаркетда барча учун севимли бўлган олмахон, дангаса Сид ва мамонт Мэнни «Музлик Даври»га чорламоқда.

Ижтимоий тармоқларнинг фаол фойдаланувчилари бизнинг «Сеҳрли check in» акциямизда иштирок этишлари мумкин. Бунинг учун бор-йўғи эртак қаҳрамонларидан бири билан бирга суратга тушиб, уни Instagram’га #Korzinkauz2015 ёки #Корзинкауз2015 ҳэштеги билан белгилаб (check in) юклаш керак. Ишонч учун миннатдорлик рамзи сифатида барча акция иштирокчилари расмлари супермаркет тармоқларини безатиб туради.

Эртак қаҳрамонларидан ташқари, Жаз-бэнд ижросидаги мусиқаларни эшитишингиз мумкин. 15 декабрдан 26 декабргача «Байрам оҳанги» акциясидан барча супермаркетларда соат 17:00 дан 19:00 гача қуйидаги тартиб бўйича баҳраманд бўлишингиз мумкин:

15 декабрь — Korzinka.uz’нинг ТТЗ филиали;16 декабрь — Сергели филиали;17 декабрь — С.Азимов филиали;18 декабрь — Абай филиали;19 декабрь — Қоратош филиали;20 ва 21 декабрь — ИИВ филиали;22 декабрь — Mercato филиали;23 декабрь — Юнусобод филиали;24 декабрь — Ракат филиали;25 декабрь — Аэропорт филиали;26 декабрь — Integro филиали (Чилонзор).

Шунингдек 15 декабрдан энг жажжи дўстларимиз учун «Болалардан Корзинкага хат» дастури бошланди. 25 декабргача Биз 13 ёшгача бўлган болалардан улар учун байрам кайфиятини тақдим этадиган, улар узоқ вақт орзу қилган ва уларнинг байрамини безай оладиган тилаклар хатини қабул қиламиз. Танлов иштирокчиларининг ҳеч бири совринсиз қолмайди, тилакларнинг энг қизиқарлиси чин дилдан амалга оширилади.

«Диққат, ҳурматли меҳмонлар! Korzinka.uz да ‘Бахтли соат’ эълон қилинди» — супермаркет тармоқлари меҳмонлари шундай хабарни эшитиши мумкин. Ва шу онда асосийси ўзингизни йўқотмасдан бир соат ичида 10 фоизлик чегирма билан харид қилишингиз мумкин. «Бахтли соат» акцияси 17 декабрда бошланиб, 25 декабргача давом этади.

Яқинларига совға ва байрам дастурхонига егуликлар олишга улгурмаганлар учун 27 декабрдан 31 декабргача Korzinka.uz’нинг барча супермаркетлари кун-у тун хизмат кўрсатади. Тунги соат 01:00 дан тонгги соат 06:00 гача Korzinka.uz барча меҳмонларга совға сифатида харид қилинган маҳсулотлар қийматидан 10% беради ва бу ушбу совғадан келаётган 2015 йилда фойдаланишингиз мумкин.