Ўзбекистон ҳукумати Фуқаро авиацияси ҳаво кемаларининг парвоз хавфсизлигини таъминлаш бўйича давлат дастурини тасдиқлади, дея хабар бермоқда «Podrobno.uz».
Ҳужжатга мувофиқ, Ўзбекистонда фуқаро авиацияси ҳаво кемаси билан рўй берган авиация билан боғлиқ ҳар бир ҳодиса мажбурий тарзда тергов қилинади. Тергов ишлари Ўзбекистон Республикаси парвозлар хавфсизлигини назорат қилиш Давлат инспекцияси томонидан амалга оширилади.
Авиаҳодисалар олдини олиш ва ишда тизимлиликни таъминлаш мақсадида энди махсус парвозлар хавфсизлиги кунлари ташкил қилинади. Улар хизмат кўрсатувчилар томонидан бир ойда камида бир марта, Дававианазорат томонидан эса бир йилда бир марта ўтказилади.
Фуқаролик авиациясида тақвим йили учун хавфсизлик даражасининг қуйидаги кўрсаткичлари белгиланди:
— ҳаво кемаларидан фойдаланувчиларга 100 минг соат парвоз вақти учун қурбонлардан иборат кўпи билан 0,5 та авиация ҳодисаси, қурбонларсиз кўпи билан 1 та авиация ҳодисаси ва ҳаво кемаларида кўпи билан 50 та авиация билан боғлиқ воқеалар;
— ҳаво кемаларига техник хизмат кўрсатувчи ташкилотлар учун 100 минг соат парвоз вақтида ҳаво кемаларида кўпи билан 50 та авиация билан боғлиқ воқеалар ва бошқалар.
Изоҳ (0)