«Тошкент» халқаро аэропортига «Ўзбекистон ҳаво йўллари» Миллий авиакомпаниясининг йўловчи самолётидан юк ҳаво кемасига айлантирилган иккинчи Boeing-767-300BCF юк самолёти етиб келди. Бу ҳақда «Podrobno.uz» хабар бермоқда.
Биринчиси каби ушбу самолёт ҳам «Ўзбекистон ҳаво йўллари» МАК ва Boeing компанияси ўртасидаги иккита Boeing-767-300ER йўловчи самолётини Boeing-767-300BCF юк ҳаво кемасига айлантириш бўйича лойиҳани амалга ошириш доирасида тайёрланди.
Нашрнинг таъкидлашича, халқаро амалиёт шуни кўрсатадики, йўловчи лайнерларини юк лайнерлари сифатида қайта жиҳозлаш ҳаво кемаларидан фойдаланишни давом эттиришнинг энг самарали йўлидир.
Қайта жиҳозланган юк лайнерларида «Навоий» халқаро аэропортидан Дубай, Тянь-Цзин, Франкфурт, Актобе ва Деҳлига рейсларни амалга ошириш режалаштирилмоқда.
Изоҳ (0)