22 декабрь, душанба ва 23 декабрь, сешанба кунлари Ўзбекистоннинг айрим аэропортларида баъзи авиарейсларнинг кечикиши қайд этилди, дея хабар бермоқда «Газета.uz». Бундай вазият ҳар йили қиш ойларида кузатилади.
22 декабрь куни тонгда туман туфайли Миллий авиакомпаниянинг Тошкентдан Андижон ва Навоийга рейслари кечикиб учиб кетди.
22 декабрдан 23-га ўтар кечаси ва 23 декабрь куни тонгда туман туфайли Тошкент аэропортида ҳаво кемаларини учириш ва қабул қилиш вақтинчалик тўхтатилди.
Хусусан, Бухорога ва Андижонга парвоз қилувчи рейслар тунги вақтдан эрталабки вақтга қолдирилди. Биринчи рейснинг кечикиши натижасида Бухородан Тошкентга қайтувчи рейс ҳам бошқа вақтга қолдирилди.
«Аэрофлот»нинг тунги Москва—Тошкент рейси Бишкекка йўналтирилди. «Ўзбекистон ҳаво йўллари» томонидан амалга ошириладиган Краснодар—Тошкент рейси эса деярли олти соат кечикиб етиб келди.
Изоҳ (0)