Мадриднинг «Реал» жамоаси ЕЧЛ гуруҳ босқичи сўнгги туридан ўрин олган «Лудогорец»га қарши учрашувда 4:0 ҳисобида ғалаба қозонди, деб хабар бермоқда «Uff.uz».
Мазкур зафар билан Карло Анчелотти шогирдлари кетма-кет 19-ғалабани қўлга киритди ва Испания клублари ўртасида янги рекорд ўрнатди.
Аввалги рекорд «Барселона»га тегишли эди, каталонияликлар 2005 йил октябрь ойидан 2006 йилгача кетма-кет 18 учрашувда ғалаба қозонганди. «Реал» эса ўзининг ғалабалар сериясини «Сельта»га қарши учрашувда 18 тага етказган эди.
Айтиш жоизки, сўнгги 85 кунда «Реал» Испания чемпионатида 11 учрашувда, ЕЧЛда олти учрашувда ва Испания Кубогида икки учрашувда ғалаба қозонди.
Изоҳ (0)