Бельгиялик Тони Ферхульст ва Софи Гетгебюр Франциянинг Лимузен провинциясида филлар учун қариялар уйи қурмоқчи, дея хабар бермоқда La Montagne.
Ферхульстнинг айтишича, улар 20 йил давомида Бельгиянинг Антверпен шаҳридаги ҳайвонот боғларида жониворларга ғамхўрлик қилган, энди эса филлар кексалик гаштини суриши учун уларга Францияда шарт-шароит яратиб бермоқчи.
Бельгиялик жуфтлик 25 гектар майдонга эга ҳудудда ўнтача филни парваришлаш билан шуғулланмоқчи. Уларнинг сўзларига кўра, бу ерда филлар яшаши учун зарур барча шароитлар мавжуд: сув, ўт-ўлан, каштан, текис ерлар бу ерда сероб. Илк филни улар бир йил ичида асраб олишга тайёр.
Шаҳар ҳукумати фил ишқибозлари ташаббусини қўллаб-қувватлади. Уларнинг айтишича, филлар сайёҳларни жалб этиб, минтақа иқтисодиёти ўсишига ҳисса қўшади.
Нашрнинг ёзишича, филлар учун бундай қариялар уйлари Америка ва Осиёда аллақачон фаолият юритади.
Изоҳ (0)