Европа иттифоқи Сербияга ЕИга қўшилиш учун талаблардан бири сифатида Россияга қарши санкциялар киритиш мажбуриятини юклади. Бу ҳақда қўшничилик ва кенгайиш сиёсати бўйича еврокомиссар Йоханес Хан баёнотига таяниб, «Европейская Правда» хабар берди.
Еврокомиссар Россия ва Сербия ўртасидаги тарихий алоқаларни тушунишини, мамлакатни танлашга мажбур қилмаслигини айтди. Бироқ Сербиянинг ўзи ЕИга қўшилиш фойдасига ўз танловини ҳал қилди, бу Россия президентининг Сербияга ташрифи чоғида тасдиқланди.
Нашрнинг эслатишича, аввалроқ Сербия президенти Томислав Николич Сербия ЕИга қўшилиш бўйича музокараларни давом эттиришини, бироқ Россияга қарши санкциялар киритмаслигини маълум қилган эди.
Изоҳ (0)