Иордания ва Мисрда «Мусулмон биродарлар» халқаро радикал ассоциациясининг раҳбарияти вакиллари қўлга олинди, деб хабар бермоқда ТАСС.
Иордания расмийлари гуруҳ етакчиларидан бири Закий Бани Рушаидни «Мусулмон биродарлар»ни террорчилик ташкилотлари рўйхатига киритган БАА раҳбариятини халқаро терроризмнинг ҳомийси деб атагани учун қўлга олинган. Мисрда эса собиқ президент Муҳаммад Мурсий маъмурияти аъзоси Муҳаммад Али Бишр аҳолини 28 ноябрь куни оммавий намойишларга чиқишга чорлагани учун ҳибсга олинган.
Маълумот учун, «Мусулмон биродарлар» радикал ташкилоти Яқин Шарқдаги бошқа давлатлардан фарқли равишда Иорданияда қонуний ҳаракат ҳисобланади ва қироллик тузумига мухолифат сифатида кўрилади. Мисрда эса ташкилот вакилларидан Муҳаммад Мурсий 2012−2013 йилларда мамлакат президентлиги лавозимини ҳам эгаллаган.
Изоҳ (0)