Iordaniya va Misrda “Musulmon birodarlar” rahbarlari qo‘lga olindi
Iordaniya va Misrda “Musulmon birodarlar” xalqaro radikal assotsiatsiyasining rahbariyati vakillari qo‘lga olindi, deb xabar bermoqda “TASS”.
Iordaniya rasmiylari guruh yetakchilaridan biri Zakiy Bani Rushaidni “Musulmon birodarlar”ni terrorchilik tashkilotlari ro‘yxatiga kiritgan BAA rahbariyatini xalqaro terrorizmning homiysi deb atagani uchun qo‘lga olingan. Misrda esa sobiq prezident Muhammad Mursiy ma’muriyati a’zosi Muhammad Ali Bishr aholini 28-noyabr kuni ommaviy namoyishlarga chiqishga chorlagani uchun hibsga olingan.
Ma’lumot uchun, “Musulmon birodarlar” radikal tashkiloti Yaqin Sharqdagi boshqa davlatlardan farqli ravishda Iordaniyada qonuniy harakat hisoblanadi va qirollik tuzumiga muxolifat sifatida ko‘riladi. Misrda esa tashkilot vakillaridan Muhammad Mursiy 2012−2013-yillarda mamlakat prezidentligi lavozimini ham egallagan.
