Пекин суди мамлакат темир йўллари вазирлиги мансабдорини порахўрлик учун икки йилдан сўнг ижро этиш шарти билан ўлим жазосига маҳкум этди. Бу ҳақда «РИА Новости» хабар бермоқда.
Темир йўллари вазирлиги бош муҳандиси ўринбосари Чжан Шугуан суд томонидан бутун умрга сиёсий ҳуқуқлардан маҳрум этилиб, унинг мол-мулкини мусодара қилиш ҳақида қарор чиқарилди.
Суд иши ҳужжатларига кўра, Чжан хизмат даврида 2000 йилдан 2011 йилгача бўлган йилларда 14 та компаниядан тахминан 7,68 миллион доллар миқдорида пора олган. Бунинг эвазига у компанияларга вагонлар сотиш бўйича шартномалар тузиш ҳамда тендерларда лойиҳаларни ютиб олишга ёрдам берган.
Изоҳ (0)