КХДР етакчиси Ким Чен Ин узоқ вақт давом этган «таътил»дан сўнг яна омма олдида пайдо бўлди, дея хабар бермоқда «РИА Новости».
Бу сафар мамлакат ОАВлари Ким Чен Иннинг Политехника университети ўқитувчилари учун мўлжалланган янги турар жой мажмуаларига ташрифини ёритди. Ўтган ташриф чоғидагидек, расмий суратларда етакчининг ҳассага таяниб тургани акс этган, бироқ унинг соғлиғи ҳақида ҳеч қандай маълумот берилмаган.
14 октябрь куни Ким Чен Ин 40 кун ичида биринчи марта омма олдида пайдо бўлган, ўша пайтда у қорра ҳасса ёрдамида юрган эди.
Аввалроқ Ким Чен Ин сентябрь ойида оғир операцияни бошидан кечиргани ҳақида хабар берилган эди.
25 сентябрь куни 3 ҳафтадан буён оммага кўринмаган Ким Чен Ин КХДР олий халқ кенгашининг навбатдаги сессиясида қатнашмагани хабар қилинган эди. Шу куни КХДР телевидениесида Ким Чен Иннинг оқсоқланаётгани кўрсатилган бўлиб, етакчининг соғлиғи жойида эмаслиги ҳам айтилган.
Изоҳ (0)