Шакира Гиннесс Рекордлар китобининг янги нашрига киритилди, дея хабар бермоқда Rusnovosti.ru.
Колумбиялик қўшиқчи Facebook фойдаланувчилари орасида оммабоплик бўйича рекорд ўрнатди. Унинг ижтимоий тармоқдаги саҳифасига 100 миллиондан ортиқ киши «лайк» қўйган. Китобнинг янги нашрига бошқа машҳурлар ҳам киритилди.
Яна бир қўшиқчи Кэти Перри Твиттердаги фолловерлар (обуначилар) сони бўйича рекорд ўрнатди — унинг микроблогини 56,4 миллион киши ўқийди.
Мetallica рок гуруҳи эса бир йил ичида ер шаридаги еттита қитъанинг барчасида концерт берган ягона гуруҳ сифатида Гиннесс китобига кирди.
Рекордлар китобининг янги нашри АҚШ ва Европада 11 сентябрдан сотувга чиқади.
Изоҳ (0)