Голливуднинг машҳур актрисаси Николь Кидман отасидан айрилиб қолди. «Сегодня» нашрининг хориж ОАВларига таяниб хабар беришича, Энтони Кидман бахтсиз ҳодиса туфайли вафот этган. Бироқ тафсилотлар турли манбаларда турлича келтирилмоқда.
Австралиядаги ОАВ вакилларидан бири унинг йиқилиш натижасида вафот этганини қайд этган. Маълум бўлишича, Энтони Кидман иккинчи қизи Антониянинг уйига меҳмонга борганида йиқилиб тушган ва бироз вақт ўтиб ҳаётдан кўз юмган.
Британиянинг Daily Mail газетаси эса доктор Кидманнинг йўл ҳалокатида ўлганини таъкидламоқда.
Айни пайтда Николь Кидман вакиллари қайғули ҳодиса юзасидан изоҳ берганича йўқ. Улар тез орада ОАВларга аслида нима бўлгани тўғрисида батафсил маълумот бериши кутилмоқда.
Изоҳ (0)