Америкалик таниқли хонанда Женнифер Лопес уч марта турмушидан ажралиб, яқинда йигити Каспер Смарт билан ҳам айрилишганига қарамай, келажакка умид билан боқмоқда.
Элле журналига берган интервьюсида қўшиқчи оиласи, иши ва ўз севгисини топишга умиди ҳақида сўзлади.
«Мен ҳали-ҳамон муҳаббатга ишонаман. Мен учун яратилган киши яқин атрофда эканлигини ҳис қилаяпман», — деди у.
Жей Ло, шунингдек ўз эгизак фарзандлари ҳақидаги хавотирлари ва ёлғиз она бўлиш қийинчиликлари билан бўлишди: «Бу анча қийин нарса. Шуниси билан қийинки, фарзандларим оталари ёнида эмаслигидан ўксинаётганини билиб тураман».
Иши ҳақида гапирар экан, Женнифер бу борада доим беш йиллик режани олдиндан тайёрлаб қўйишини айтди. «Гап бизнес ҳақида борадиган бўлса, менда доимо беш йиллик ва ўн йиллик режалар бор. Сиз ҳаракатни доимий равишда давом эттиришингиз керак», — дея таъкидлади у.
Изоҳ (0)