Норвегия пойтахти Ослода энг оммабоп эркаклар исми Муҳаммад бўлди. Бу шаҳар тарихида биринчи марта содир бўлди, дея хабар берди The Local.
Мутахассислар ҳисоб-китобига кўра, 4,8 минг нафар йигит пайғамбар исмига эга. Иккинчи ўринни Ян (4,7 минг), учинчи ўринни Пер (4,1 минг) исмлари эгаллади.
Нашрнинг таъкидлашича, Муҳаммад Ослода кетма-кет тўрт йил энг кўп тарқалган болалар исми бўлган. Бироқ Норвегия пойтахтидаги барча эркаклар исмлари ўртасида у биринчи марта энди етакчилик қилди.
Сўнгги бир неча йиллар ичида Муҳаммад исми Англия ва Уэльс, шунингдек Амстердам, Гаага, Роттердам, Утрехт, Брюссел каби шаҳарлар туғруқхоналарида энг кўп янгради. Миланда эса бу исм нафақат янги туғилган чақалоқлар, балки бизнесменлар орасида ҳам энг оммабопи бўлди. Шаҳар савдо палатаси ҳисоб-китоблари бўйича 1,6 мингга яқин миланлик тадбиркорларнинг исми Муҳаммаддир.
Изоҳ (0)