АҚШ ҳарбий мутахассислари 3D-принтер ёрдамида жанговар шароитларда егулик тайёрлаш имконини берувчи технологияни яратди. Бу ҳақда Times газетасига таяниб, ИТАР-ТАСС хабар берди.
«Операцияларда иштирок этаётган ҳарбийнинг аҳволи асосан овқатланиш сифатига боғлиқ, — дейилади нашр хабарида. — Айни пайтда Массачусетс технология институти илмий ходимлари билан ҳамкорликда берилган ўлчамлар асосида озиқ-овқат ярата оладиган 3D-принтер ишлаб чиқилди. Бу ўлчамлар калория, оқсил, углеводлар ва витаминлар миқдорини ўз ичига олади».
Таом таркиби оператор томонидан компьютерга киритилади ва принтерга маълум масаллиқлардан фойдаланиш буйруғи берилади. Ушбу технология қўшинларни озиқ-овқат билан таъминлаш сарф-харажатларини камайтириш ҳамда аскарлар таомномасини хилма-хиллаштириш имконини беради. 3D-принтерда «чоп қилинадиган» таомлар пирог ёки пицса кўринишида бўлади.
Изоҳ (0)