Россия Федерацияси ҳукумати Австралия, Канада, Европа Иттифоқи, АҚШ ва Норвегиядан бир йил муддатга мол гўшти, чўчқа гўшти, парранда гўшти, балиқ, пишлоқ ва мева-сабзавот маҳсулотлари импортини бутунлай тақиқлади. Бу ҳақда Россия бош вазири Дмитрий Медведевнинг Вазирлар Маҳкамаси мажлисидаги баёнотига таяниб, ИТАР-ТАСС хабар берди.
«Шу билан бирга, Ғарб ҳаракатларига жавобан Россия томонидан киритиладиган санкциялар болалар озуқаси ва кишилар ўзлари чет элдан сотиб оладиган маҳсулотларга тегишли бўлмайди», — дея таъкидлади Медведев.
Бош вазирнинг қўшимча қилишича, чекловлар бугунги кундан бир йил муддатга жорий қилинади. «Бироқ шерикларимиз ҳамкорлик масалалари бўйича конструктив ёндашувни намойиш эта билса, Россия ҳукумати ушбу чораларнинг амал қилиш муддатини қайта кўриб чиқишга тайёр», — деди у.
Изоҳ (0)