Американинг иккита F-16 қирувчи самолёти Торонтодан Панама-Ситига йўл олган йўловчи лайнерини қўлга олди. Ундаги йўловчилардан бири самолётни портлатиб юбориши ҳақида пўписа қилган эди, деб ёзади Associated Press.
Ҳодиса Sunwing Airlines авиакомпаниясига тегишли самолёт маҳаллий вақт билан 7:00 да АҚШнинг Ғарбий Виржиния штати устидан учиб ўтаётганида содир бўлди. Самолёт йўловчиларидан бири тўсатдан дўқ-пўписа қила бошлаган ва «Канадани портлатишини» айтган.
Шундан сўнг самолёт Торонтога қайтиб кетиш учун қайрилган, Огаёдан эса ҳар эҳтимолга қарши иккита қирувчи самолёт юборилган, улар лайнерни ерга қўнгунича кузатиб борган.
Самолёт Торонтога қўниши билан безори полиция томонидан ҳибсга олинган. 25 ёшли Канада фуқароси Али Шахининг хатти-ҳаракатлари мақсадлари ўрганилмоқда.
Изоҳ (0)