Ўзбекистонда олий ўқув муассасаларига ҳужжат топширган абитуриентлар сони ўтган йили қайд этилган кўрсаткичдан ошди, деб хабар берди Xushnudbek.uz.
2013 йилда олий таълим муассасаларига абитуриентлардан тушган аризалар сони жами 480 407 та, шу жумладан, кундузги бўлимга 480 163 та, сиртқи бўлимга 244 та ҳужжат қабул қилинган. Республика бўйича ўртача танлов 8,5 ни ташкил этган.
2014 йилда эса ДТМ сайтидаги махсус саҳифада келтирилган маълумотларга кўра, мазкур хабар киритилаётган вақтда ҳужжат топширган абитуриентлар сони бутун республика бўйича 486 254 нафарни ташкил этди.
Маълумот учун, жорий йилда бакалаврлар тайёрлаш бўйича кундузги бўлимларга умумий қабул квотаси 57 907, шу жумладан, давлат грантлари бўйича 19 120 ва тўлов-контракт асосида 38 787 нафар миқдорида белгиланган.
Изоҳ (0)