АҚШ президенти Барак Обама Америка мустақиллигининг 238 йиллиги муносабати билан йўллаган самимий қутловлари учун Ўзбекистон президенти Ислом Каримовга мактуб йўллаб, миннатдорлик изҳор этди. Ташаккурнома матни ЎзА сайтида эълон қилинди.
«Америкаликларни халқ сифатида дунёдаги бошқа мамлакатларнинг халқлари билан бирлаштириб турадиган кўп маданиятли мерос ва бой анъаналарни нишонлаш учун биз ушбу имкониятдан фойдаланамиз, — дейилади мактубда. — Барча халқлар бахт-саодат ва фаровонликка интилишда эркинликдан баҳраманд бўлиши лозим, деган умумий олий мақсад барчамизни руҳлантиради».
АҚШ президенти ўз сўзларига якун ясар экан, «биз учун ғоят қадрли бўлган эркинликни таъминлаш йўлида ўтмишда ва ҳозирги кунда қурбон бўлганларни ёдга олар эканмиз, барча халқлар учун озод ва тинч яшаш ва шундай бўлиб қолиш ҳуқуқига эришилишига ишончимизни ҳамда қатъиятимизни яна бир карра тасдиқлаймиз», — дея қайд этди.
Изоҳ (0)