Жорий йилнинг биринчи ярми давомида республикамиз божхоначилари томонидан ҳуқуқни муҳофаза қилувчи бошқа идоралар вакиллари билан ҳамкорликда аниқланган 172 та қонунбузарлик ҳолатларида салкам 888 миллион сўм эквивалентдаги нақд хорижий валюталарнинг ноқонуний олиб ўтилишга чек қўйилди. Бу ҳақда «Тошкент-Аэро» ихтисослашган божхона комплекси ахборот хизмати хабар берди.
Эслатиб ўтамиз, республикамизда резидентларга 2000 АҚШ доллари эквивалентидаги, норезидентларга эса божхонага тақдим этилган декларацияга мувофиқ республикага келтирилган валюта миқдоридаги нақд хорижий валютани божхона баённомасида ёзма қайд этиш шарти билан эркин олиб чиқиб кетишларига рухсат этилади.
Кўрсатилган миқдордан ортиқча нақд хорижий валютани олиб кетишга Ўзбекистон Республикаси Марказий банки ёки хорижий валюта билан операцияларни ўтказишга асосий лицензияси бўлган ваколатли банкларнинг рухсати билан йўл қўйилади.
Изоҳ (0)