Абитуриентлар учун айни ҳаяжонли дамлар яқинлашаётган бир пайтда WWW.uz сайти олий ўқув юртларининг топ-рейтингини эълон қилди. Ушбу рейтинг абитуриентларнинг ОТМларга қизиқиш даражалари билан бир қаторда, олий ўқув юрти сайтига ташриф буюриш учун сабаб бўладиган қизиқарли маълумотлар ҳажмини ҳам кўрсатиб беради, деб ёзади Uzinfocom корпоратив блоги.
Рўйхатда катта фарқ билан икки олий ўқув маскани —Вестминстер халқаро университети ва Самарқанд Давлат тиббиёт институти етакчилик қилмоқда. Самарқанд Давлат тиббиёт институти расмий сайтида ҳар бир ташриф буюрувчи ўртача 25 та саҳифани кўриб чиққан. Уларнинг барчаси электрон масофавий таълимга тегишли саҳифалардир. Вестминстер университети сайтида эса бу кўрсаткич 4 тани ташкил қилади.
Самарқанд Давлат чет тиллар институти сайтида меҳмон бўлганлардан ҳар бири ўртача 40 та саҳифага ташриф буюрган. Улар ҳам масофадан туриб тил ўрганиш саҳифаси фойдаланувчиларидир.
Олий ўқув юрти сайтларининг 2/3 қисми суткасига 100 кишидан кам бўлган ташриф буюрувчиларга эга, 1/3 қисми эса 50 кишидан кам бўлган ташрифчиларга эга. Демак, абитуриентларнинг ушбу олий ўқув юртларига бўлган қизиқиши кам, расмий сайтда етарлича маълумотлар берилмаган ва интерактив хизматлар мавжуд эмас.
Изоҳ (0)