Кеча, 16 июнь куни Россия Федерацияси ва Ўзбекистон Республикаси ўртасида Стратегик шериклик тўғрисидаги шартнома имзоланганига ўн йил тўлди. Шу муносабат билан Ўзбекистон ва Россия президентлари бир-бирларини табриклашди. Бу ҳақда Россия Федерациясининг Ўзбекистон Республикасидаги элчихонаси матбуот хизмати хабар берди.
Владимир Владимирович Путин ўз табригида Ўзбекистон Республикаси фуқароларига тинчлик-хотиржамлик тилаб, ушбу муҳим ҳужжат Россия-Ўзбекистон муносабатларининг сифатли янги даражага чиқишига имкон яратганини, турли соҳаларда ўзаро манфаатли икки томонлама ҳамкорликнинг кенгайишини таъминлаганини таъкидлади.
Ислом Абдуғаниевич Каримов эса ўз мурожаатида ушбу ҳужжат асосида яратилган биргаликдаги ҳаракат ва сиёсий диалог механизмлари минтақа хавфсизлиги ва барқарорлиги масалалари бўйича очиқ фикр алмашинишнинг амалий воситасига айланганини қайд этди.
Изоҳ (0)