Ўзбекистон шимоли-ғарбидаги Шохпахта конида йил бошидан қазиб олинган табиий газ ҳажми 110,2 миллион кубометрни ташкил этди, бу лойиҳадаги кўрсаткичдан 8,7 миллион кубометрга кўпдир. Бу ҳақда UzDaily хабар берди.
Бу ерда конни реконструкция қилиш билан шуғулланаётган Gazprom International мутахассислари 2014 йилда 300 миллион кубометр газни қазиб олишни режалаштирган.
Конда 2004 йилдан буён қазиб олинган газ ҳажми бугунги кунда 2,6 миллиард кубометрдан ошади.
Таъкидлаш жоиз, Шохпахта конини реконструкция қилиш Gazprom International компаниясининг Ўзбекистондаги илк лойиҳасидир. У 2004 йилда 15 йиллик муддатга имзоланган Маҳсулотни тақсимлаш ҳақидаги битим шартлари асосида амалга оширилмоқда.
Шохпахта — Қорақалпоғистон Республикаси Қўнғирот тумани ҳудудидаги Устюрт палатасида жойлашган кон. У 1962 йилда очилган. Айни пайтда Шохпахтадаги газ захираси 7,4 миллиард кубометр деб баҳоланмоқда.
Изоҳ (0)