Амстердам аэропортидаги самолётнинг шасси (ғилдиракли қисми) бўлмасида ўспирин жасади топилди. У яқинда Норвегияда йўқолган 17 ёшли йигитга тегишли мурда деб тахмин қилинмоқда. Бу ҳақда Vesti.ru хабар берди.
Жасадни Голландия чегарачилари топиб олишган. У айнан ўша йўқолиб қолган йигит эканлиги аниқ эмас, бироқ жасаднинг тавсифи ва унинг ёнидан чиққан буюмлар шунга ишора қилмоқда. Норвегия полицияси йигитнинг ота-онаси билан боғланиб, бу ҳақда хабар берган.
Ўспирин бошқа мамлакатга чиптасиз учмоқчи бўлгани, бироқ нафаси қайтиб ҳалок бўлгани тахмин қилинмоқда.
Маълум бўлишича, жасад топилган KLM авиакомпанияси самолёти Норвегиянинг Сандефёрд-Торп аэропортидан 5 июнь куни эрталаб учиб кетган. Авиакомпания вакиллари ҳам ҳодиса ҳақидаги маълумотни тасдиқлади, бироқ батафсил изоҳ беришдан бош тортди.
Изоҳ (0)